مشاكل في سيارتي

وعليكم السلام . 
اعتقد ( مو اكيد ) ان جميع الفوردات كفراتها كده ( بارزة )

بالنسبة للكبوت سو تشحيم للقفل ،، والابواب شحم المفصلات 

وباقي الاستفسارات يفيدوك الاخوان 

ماشاء الله  هذي شكلها نسخه خاصه

فكتوريا 007 ههههههههههههه

وعليكم السلام ورحمة الله وبركاته 

بكل إختصار يبدو أنك أستهلكت السيارة تماماً ومن غير صيانة 
اللي تحتاجه الآن نفض للسيارة بالكامل 
بواجي + الفلاتر كلها بنزين + هواء + مكيف + موية رديتر فورد مع موية مقطرة ما يحتاج تسييخ 
+ تشحيم لأذرعة الكبوت والشنطة والأبواب + شيك على العضلات وبطن السيارة
بخصوص الكفرات أعتقد أنها طبيعية أنا ظنيت حسب وصفك أنها فاشخة لكن بنظري طبيعي , موفق 

الرعشة احتمال تكون من بوابة الهواء
الكفرات روح بها ميزان و اوزنها يمكن تحتاج سحب 
موية الرديتر اذا خايف من التصييخ فك سرة الرديتر اللي تحت و عب موية جديده مع أن التصييخ ما فيه مشاكل
الأبواب رشها زيت و الا شحمها و يختفي الصوت ان شا الله
الكبوت تأكد من الدقمه يمكن فيها مشكله

يعطيكم العافيه ماقصرتوا والله

يعطيكم العافيه ماقصرتوا والله

عليكم السلام ورحمة الله ...

---------------------------------
١- عندي السياره اذا رحت فيها مشاوير بعيده
ووقة عند اشاره وهي علىd يبدء الRPM يلعب
كنها بتطفي حتى بعض الاحيان تجيها رعشه قويه
بس ماتطفي هل المشكله من الكويلات ولا من بوابة الهواء؟

** بصراحه ما أقدر أفتي لك ويفيدوك الشباب ان شاءالله
------------------------------------
 عندي الكفرات الاماميه مفتوحه يعني الكفر اليمين
رايح يمين شوي والكفر اليسار رايح يسار شوي
يعني ماهي سيدا في صور اتمنى تكون واضحه
فا وش الحل؟ انا ابغاها تكون سيدا

** طبيعي كل الفوردات كذا وهذا يزيد الرساوة فيها
----------------------------------------
عندي الاديتر ماقد فكيته من يوم ماطلعت من الوكاله
 قولوا م شاء الله المهم المويه الله يكرمكم وصخة 
سوووده وودي اني اسيخ الاديتر بس انا سمعت
ان التسيخ يخرب الاديتر

** سيخ الرديتر مافيه أي مشكلة ان شاءالله ولو تحط موية أصلية فدا الموتر 45 ريال ولا تنسى تزيد موية مقطره
--------------------------------------
عندي الكبوت مايفتح لازم واحد يطقه بيد علشان يفتح
مع ان اول كان يفتح عادي وش الحل؟

** رح لأقرب بنشري وبتحصل عندهم زيت ابو علبه حمرا
صب على قفل الكبوت ، وممكن تستخدم أي زيت ثاني
------------------------------
عندي البواب والشنطه تطلع اصوات مزعجه
يعني مثلا لو واحد فتح الباب او الشنطه يطلع صوت مزعج
وش يبغاله؟

** زيت قواعد الباب والشنطه ويروح الصوت ان شاءالله
------------------------------------
وودي اسوي فتحة سقف المشكله اني في الرياض
هل يعرف احدكم مكان في الرياض يسوي فتحات
سقف وشغله مضمون؟

** لو لقيت واحد علمني لأني ناوي ان شاءالله
وسمعت في واحد بجده (ورشة السلام) وعليه ضمان 10 سنين بس غالي شوي 3800 ريال

يا فيكي قبل شوي منزل موضوع وان الكل يفتي من راسه
وانك تبي حل للفيروس هذا


هذا انت الحين اول من طلع فيه الفيروس 
والدليل الزيت الاحمر على قفل الكبوت والابواب
ترى كلها علبة شحم اصلي ب١٥ ريال والفتحة اللي ب٣٨٠٠ 

استمر بنشر الفيروس هههههههههه 
ولك لايك 
ترى عتاب محب وليس عتاب كاره

وعليكم السلام
عندي مشاكل بسيطه وان شاء الله انه سهل
طبعا سيارتي فكتوريا007
---------------------------------الله يبارك لك فيها
١- عندي السياره اذا رحت فيها مشاوير بعيده
ووقة عند اشاره وهي علىd يبدء الRPM يلعب
كنها بتطفي حتى بعض الاحيان تجيها رعشه قويه
بس ماتطفي هل المشكله من الكويلات ولا من بوابة الهواء؟
نفس المشكلة حصلت لي وغيرت فلتز بنزين وفلتر هواء ونظفة البوابة البواجي كانت سليمة والكويلات سليمة ماعدا رقم 5 غيرته . ------------------------------------
عندي الكفرات الاماميه مفتوحه يعني الكفر اليمين
رايح يمين شوي والكفر اليسار رايح يسار شوي
يعني ماهي سيدا في صور اتمنى تكون واضحه
فا وش الحل؟ انا ابغاها تكون سيدا
ما أعرف هل هي مشكلة او عادية .. لكن لاحظتها في فورد 2004 و 2002 ----------------------------------------
عندي الاديتر ماقد فكيته من يوم ماطلعت من الوكاله
قولوا م شاء الله المهم المويه الله يكرمكم وصخة
سوووده وودي اني اسيخ الاديتر بس انا سمعت
ان التسيخ يخرب الاديتر
لا لا منو قال التسييخ يخرب شيء عادي سيخ الرديتر وركب موية جديدة اصلية مع الاهتمام بخروج كامل الموية من اجزاء السيارة ..لانه بعض السباكين يفك الرديتور وهو حار ويكون فيه باقي للماء داخل اجزاء الماكينة --------------------------------------
عندي الكبوت مايفتح لازم واحد يطقه بيد علشان يفتح
مع ان اول كان يفتح عادي وش الحل؟
شحم قفل الكبوت وشوف العلاق يمكن فيه انعواج ------------------------------
عندي البواب والشنطه تطلع اصوات مزعجه
يعني مثلا لو واحد فتح الباب او الشنطه يطلع صوت مزعج
وش يبغاله؟
شحم أصلي مايكلف 15 الى 20 ريال وشحمها بيدكـ ------------------------------------
وودي اسوي فتحة سقف المشكله اني في الرياض
هل يعرف احدكم مكان في الرياض يسوي فتحات
سقف وشغله مضمون؟
جده - كيلو 2- حسن تنده : للمعلومية لم اجربه ولكن كل الشباب مدحوهـ لي بس كانت عندي قناعة انها بدون تنده تجلس بدون تنده ... وفالك الخير

جاوبوا الشباب على ااغلب االمشاكل االله يعطيهم االعافية

بالنسبة للفتحة.. االسلام موجود بالغرابي إسأل عنه 

لاتسيخ الاديتر نهائيا
سوله غسيل فقط
بعض الورش عنده جهاز يشبكه فالاديتر ويفتح الهوز الكبير ويضخ فيه موية تنظيف لحد ماتطلع الاوساخ بدون مايفك الاديتر من مكانه
حتى يمكن الصداء عندك خفيف 
بعدين حط مويه اصلي
سيارتك بشكل عام يبيلها تصفيه وصيانه شامله
تغيير بواجي تنظيف بخاتا تصفيه مكينه مثل هذي الاشياء البسيطه

بخصوص الكفرات اذا ماتشوف اي مسحيه فالكفرات ونقشاتها سليمه وماعندك اي حذفيه فالسياره فخلها ولاتسوي فيها شي طبيعية
بخصوص الكبوت والشنطه والابواب
مضووعها سهل
اشتر شحم بالبيد وشحم المفاصل والاقفال وبتروج باذن الله

عندك حسن تنده ممتاز
و 
مركز السلام كيلو 2 بجده المجمع الجديد. 
تقريبا السعر 3900 ريال. ضمنهم 10 سنين. 

عزيزي xpoldx وين الغلط ؟؟
بخصوص صوت الصرير والابواب الزيت وين المشكله منه ؟؟؟
انا مسويه لموتري وشال الاصوات نهاااااائيا ، شحم زيت اهم شي حل ولا وش رايك !!
والفتحه بصراحه ما فهمت عليك ، 3800 ريال طيب !!!
ياليت تفهمني